საოცარია, მაგრამ, საშინელმა ყინვამ შავი ზღვის სანაპიროც კი გაყინა. ბოლო 30 წელია, ასეთი რამ არ მომხდარა. ზღვა სხვადასხვა ადგილას გაიყინა, მაგალითად, უკრაინის რამდენიმე პორტში. ყინულია ქალაქ ოდესის სანაპიროზეც. შექმნილი ვითარების გამო, უკრაინული პორტები 15 თებერვლამდე დაიხურა. დახურულია რუმინული პორტი კონსტანცაც. აქ სანაპიროზე ყინულის 40 სანტიმეტრიანი ფენაა. ანალოგიური ვითარებაა ბულგარეთშიც. შავი ზღვის ყინულით დაფარვამ დიდი მხიარულება გამოიწვია მოსახლეობაში, ამ საოცარ სანახაობას მნახველი არ აკლია. ისინი ზღვაზე ციგურებით სრიალებენ და ყინულისაგან სკულპტურებს ამზადებენ.