გრიპის ვირუსით დაავადების პიკს თებერვალში უნდა ველოდოთ. ამის შესახებ „ობიექტივს“ დაავადებათა კონტროლის ეროვნული ცენტრის ხელმძღვანელი პაატა იმნაძე ესაუბრა.

მისი განცხადებით, წლევანდელ ზამთარში ვირუსის 200-მდე სახეობა იქნება გავრცელებული, მათ შორის h3n1 და h1n1. რისკჯგუფებს კი ორსულები, ბავშვები და მოხუცები წარმოადგენენ. - რისკის შემცირება ასეთ დროს შეიძლება, მაგრამ მისი პრევენცია მაინც მთელი მსოფლიოსთვის პრობლემად რჩება. პრევენციისთვის პირველი ზომაა ხელების დაბანა. ამასთან, კარგია c ვიტამინის შემცვლელი საკვები, როგორც პროფილაქტიკისთვის, ისე ავადმყოფისთვის. მთავარია, ცხოვრების ჯანსაღი წესითაც შევუწყოთ ხელი ჯანმრთელობას, - აღნიშნა იმნაძემ. მისივე ინფორმაციით, დაავადების შემთხვევაში, ანტიბიოტიკებით თვითმკურნალობა არ შეიძლება. გრიპის დროს უნდა მივიღოთ ანტივირუსული პრეპარატები და არა ანტიბიოტიკები, თუმცა მხოლოდ ექიმის დანიშნულებით.