მოდის თავგადაკლულმა მიმდევარმა და წარმატებულმა დიზაინერმა ვიქტორია ბექჰემმა გადაწყვიტა, არ შემოიფარგლოს მხოლოდ დიდებისათვის ტანსაცმლის შექმნით. ცოტა ხნის წინ სახელგანთქმული ფეხბურთელის მეუღლემ და ოთხი შვილის დედამ განაცხადა, რომ საბავშვო ტანსაცმლის ხაზის გამოშვებასაც აპირებს. ვიქტორიას შვილები გამოირჩევიან, როგორც ყველაზე მოდურად ჩაცმული ბავშვები. ამიტომ ჟურნალისტები დარწმუნებული არიან, რომ ვიქტორიას წამოწყება ამ სფეროში გაამართლებს. ვარსკვლავმა კარგა ხანია ესკიზებზე მუშაობა დაიწყო და, როგორც თავად აცხადებს, მისი შთაგონების წყარო საკუთარი შვილები - ბრუკლინი, რომეო, კრუზი და ჰარპერ სევენი არიან. ვარსკვლავური წყვილის ერთ-ერთი მეგობრის თქმით, ვიქტორიას სურს, თავისი იდეალური ოჯახის ბედნიერება ახალ კოლექციაში ასახოს. მისი აზრით, საბავშვო ტანსაცმელი აუცილებლად პრაქტიკული და, ამავე დროს, მხიარული უნდა იყოს.