ინფორმაცია მძღოლებისთვის: რიკოთის გვირაბით სარგებლობა უფასოა. გავრცელებული ინფორმაციით, აქ მიმოსვლა უფასო მთელი ზამთრის განმავლობაში იქნება. მომავალი წლიდან მძღოლებს კვლავ დაწესებული ტარიფის გადახდა მოუწევთ. ჯერჯერობით, უცნობია, შეიცვლება თუ არა ძველი ტარიფი. რიკოთის განახლებული გვირაბი პრეზიდენტმა სააკაშვილმა 21 ნოემბერს გახსნა. სავალ ნაწილზე დაიგო ასფალტ-ბეტონის საფარი, უახლესი ტექნოლოგიების გამოყენებით სრულად შეიცვალა ჰიდროიზოლაციის სისტემა, განახლდა სავენტილაციო, ხანძარსაწინააღმდეგო და საკანალიზაციო სისტემები, დამონტაჟდა საერთაშორისო სტანდარტების შესაბამისი განათებისა და ელექტროუზრუნველყოფის სისტემები. დამონტაჟებული ვიდეოკამერების საშუალებით, გვირაბის გაკონტროლება 24 საათის განმავლობაშია შესაძლებელი.