| ქალი და მამაკაცი |
საქართველოსთან პრობლემები არ გვაქვს, - რუსული მედიის ცნობით, ამის შესახებ ინგუშეთის რესპუბლიკის პრეზიდენტმა იუნუს-ბეკ ევკუროვმა განაცხადა.
მისი თქმით, ინგუშეთში შესანიშნავი ქართული დიასპორა არსებობს.
"ისტორიულად ჩვენ ყოველთვის კეთილმეზობლური ურთიერთობა გვაკავშირებდა. ამ ქვეყანასთან 82 კმ-იანი საზღვარი გვაქვს, შესაბამისად, ისტორიულად ჩვენ მუდმივადვ კარგად და მეგობრულად ვცხოვრობთ. საგარეო პოლიტიკა ჩვენ არ გვეხება", - განაცხადა ევკუროვმა.
მისივე თქმით, საქართველოს სასაზღვრო რაიონების მცხოვრებლები ინგუშებს ჰაჯის პერიოდში ყოველთვის ეხმარებიან.
"ჩვენი მომლოცველები ჰაჯზე მოგზაურობისას ზემო ლარსის სასაზღვრო პუნქტიდან ნორმალურად გადაადგილდებიან. არასოდეს პრობლემები და დაძაბული ურთიერთობა არ გვქონია, ყოველთვის იყო მხოლოდ მხარდაჭერა", - აღნიშნა ევკუროვმა.
რესპუბლიკის მეთაური ასევე მადლობას უხდის საქართველოს კულტურის სამინისტროს ინგუშეთში განლაგებული უძველესი ტაძრის ფრაგმენტების რესტავრაციასა და დაბრუნებაში გაწეული დახმარებისთვის.
"საქართველოს მუზეუმში ინახებოდა ფრაგმენტები – ინგუშეთში მდებარე უძველესი ქრისტიანული ტაძრის 6 ქვა. რესტავრაციის შემდეგ ერთ-ერთმა ქართულმა მუზეუმმა ისინი ჩვენ გადმოგვცა", - აღნიშნა ევკუროვმა.
|
დღის სიახლეები
24-05-2012
24-05-2012
|
რა მოსწონთ თქვენ მეგობრებს
|
