კოლუმბიელმა მომღერალმა შაკირამ გადაწყვიტა, შვებულება საინტერესოდ გაეტარებინა და ცხოველები მათ ბუნებრივ გარემოში მოენახულებინა, თუმცა, ვარსკვლავისთვის ეს გასეირნება უსიამოვნო ინციდენტით დასრულდა. როცა შაკირამ მოინდომა, ზღვის ლომისთვის თავზე ხელი გადაესვა და ამგვარად მოფერებოდა მას, ცხოველმა მოულოდნელად აგრესიულობა გამოამჟღავნა, წყლიდან ამოხტა და შაკირას კბენა დაუპირა, რომელიც მასთან ძალზე ახლოს მივიდა. საბედნიეროდ, მომღერლის დეიდაშვილმა საზრიანობა გამოავლინა და ქალი სასწრაფოდ მოაცილა იქაურობას. შეშინებულმა ვარსკვლავმა სოციალურ ქსელში თავის გვერდზე ამ თავდასხმის შესახებ ისაუბრა და აღნიშნა, რომ ეს საყვარელი ცხოველები არც ისეთი უწყინარნი არიან, როგორც ერთი შეხედვით ჩანს. მიუხედავად ზღვის ლომთან მომხდარი გაუგებრობისა, შაკირამ თავისი არ დაიშალა და მეორე დღეს პინგვინებს ესტუმრა.