ინდონეზიის დედაქალაქ ჯაკარტას მცხოვრებლებს ბიზნესმენმა ფიკრი ნიუვალმა ახალი სერვისი შესთავაზა – დედის რძე სახლში მიტანით. ეს სერვისი დასაქმებული დედებისთვისაა განკუთვნილი, რომლებიც სამსახურში დადიან და არ უნდათ, შვილების ძუძუთი კვება შეწყვიტონ. ისინი სამსახურში რძეს იწველიან და ბოთლებში ასხამენ. კურიერი ამ ბოთლებს მაცივარში ათავსებს და მოტოციკლით მითითებულ მისამართზე არიგებს. მომსახურების საფასური 3–5 დოლარია.