ოსკაროსანი მსახიობი სანდრა ბალოკი აცხადებს, რომ საშობაოდ შვილს საჩუქრის გარეშე დატოვებს. ჟურნალისტების შეკითხვაზე, თუ რატომ იქცევა ასე, 47 წლის ვარსკვლავმა უპასუხა, რომ რაც ნაკლებად გაანებივრებს ის შვილს, შემდგომში ბავშვსაც ნაკლები მოთხოვნილება ექნება. ამასთან, ბალოკი ამბობს, რომ როცა ბავშვი 16 წლის გახდება, შესაძლოა, მას დედის მიმართ ამის გამო სიძულვილიც კი გაუჩნდეს. რაც შეეხება კინოსთან დაკავშირებულ საქმიანობას, სანდრა ბალოკმა Access Hollywood-ს განუცხადა, რომ ახლახან დაასრულა მუშაობა ფილმზე სახელწოდებით „ძალზე ხმამაღლა და უჩვეულოდ ახლოს“, რომელშიც მას პარტნიორობას ტომ ჰენკსი უწევს. ფილმი მოგვითხრობს პატარა ბიჭუნას ცხოვრებაზე, რომლის მამა 11 სექტემბრის ტერაქტის დროს დაიღუპა.