ქართველი ოლიმპიური ჩემპიონი ირაკლი ცირეკიძე დოპინგის გამოყენების გამო 3-თვიანი დისკვალიფიკაციით დაისაჯა.
გაზეთ "ლელოს" კორესპონდენტის ინფორმაციით, ცირეკიძის დისკვალიფიკაციის შესახებ ძიუდოს საერთაშორისო ფედერაციამ ქართულ მხარეს დღეს ოფიციალურად აცნობა.
ამ დროისთვის კი, საქართველოს ძიუდოს ფედერაციაში აღმასრულებელი კომისიის საგანგებო სხდომა მიმდინარეობს, რომლის დასრულების შემდეგაც ცნობილი გახდება დისკვალიფიკაციის ზუსტი ვადები და სხვა დამატებითი დეტალები, რომლებიც სპორტსმენის დასჯის გადაწყვეტილებას უკავშირდება.
აღსანიშნავია, რომ ნებისმიერ შემთხვევაში ირაკლი ცირეკიძეს ლონდონის ოლიმპიური თამაშების გამოტოვება არ უწევს. (ოლიმპიადა ივლისის ბოლოს იწყება). სავარაუდოდ, ქართველი სპორტსმენი გამოტოვებს ევროპის ჩემპიონატს, რომლის გამართვაც რუსეთში აპრილის თვეში იგეგმება.