ბერლინის კინოფესტივალზე ”ბინდის” ვარსკვლავმა რობერტ პატინსონმა თავისი ელეგანტურობით საზოგადოება აღაფრთოვანა. ”ბერლინალეზე” მან ახალი ფილმი ”ლამაზი მეგობარი” წარმოადგინა, რომელშიც მთავარ როლს ასრულებს. წითელ ხალიჩაზე რობერტს გვერდს პარტნიორები კრისტინა რიჩი და ჰოლიდეი გრეინჯერი უმშვენებდნენ. როგორც კრისტინამ ჟურნალისტებს განუცხადა, პატინსონი, გარდა იმისა, რომ ძალიან მომხიბვლელი მამაკაცია, ამავე დროს, ძალზე სექსუალურიც არის და კარგი კოცნა იცის. რაც შეეხება თავად რობერტს, ის ამჟამად ახალ როლზე მუშაობს ფილმში”კოსმოპოლისი” და აცხადებს, რომ თუ ”ბინდის” რეჟისორი სტეფანი მაიერი საგის გაგრძელების გადაღებას გადაწყვეტს, ედვარდ კალენის როლს კვლავ დიდი სიამოვნებით შეასრულებს.