მაილი საირუსი საკუთარი სხეულის მოხატვას აგრძელებს. გამორიცხული არ არის, რომ ის მალე ადამიან-ილუსტრაციადაც კი იქცეს. ორიოდე დღის წინ მაილიმ თავის საკმაოდ მრავალფეროვან კოლექციას მეშვიდე ტატუ შემატა. როგორც ჟურნალისტებმა შეიტყვეს, მსახიობმა თავის მეგობარ ლაიამ ჰემსვორტთან ერთად ახალი ტატუს გასაკეთებლად ლოს-ანჟელესში 18 თებერვალს Studio City Tattoo-ს მიაშურა და მარცხენა მკლავის შიდა მხარე დაიმშვენა ბანალური წარწერით ”სიყვარული უკვდავია”, შემდეგ კი ტატუს ოსტატ ილიასთან ერთად ფოტოც გადაიღო.