უნიჭიერესმა და ყველასათვის საყვარელმა ამერიკელმა მსახიობმა, მერილ სტრიპმა, ბერლინის კინოფესტივალზე ფილმ ”რკინის ლედიში” შესრულებული როლისთვის ”ოქროს დათვი” მიიღო. ფესტივალის ორგანიზატორების თქმით, მათთვის დიდი ბედნიერებაა, ჯილდო გადასცენ ისეთ საოცარ მსახიობს, როგორიც მერილ სტრიპია და რომელსაც ერთნაირი სიძლიერით ხელეწიფება როგორც კომედიური, ასევე დრამატული როლების შესრულება. ”რკინის ლედი” ფესტივალის არასაპროგრამო ჩვენებაზე წარმოადგინეს. სურათის დასრულების შემდეგ ფეხზე ამდგარმა მაყურებელმა საყვარელ მსახიობს ოვაცია გაუმართა. თავად სტრიპმა კი მოკრძალებულად განაცხადა, რომ მის პირად დამოკიდებულებას მარგარეტ ტეტჩერის პოლიტიკისადმი, რომლის როლიც ფილმში განასახიერა, თამაშზე გავლენა არანაირად არ მოუხდენია.