მრავალი წლის წინ ფილმის "მარტო სახლში" ვარსკვლავი მაკოლეი კალკინი მსოფლიომ გაიცნო. დღეს კი 31 წლის მსახიობი დიჯეიდ მუშაობს. გამხდარი, წვერებიანი მამაკაცი საერთოდ აღარ ჰგავს საკუთარ თავს. მომხიბვლელი ჯანმრთელი ჭაბუკი ნამდვილ ჩონჩხს დაემსგავსა. ბოლო ხანებში კი გავრცელდა ხმები იმის შესახებ, რომ მაკოლეი სერიოზულად არის ავად. "დეილი მეილის" თქმით, მიუხედავად იმისა, რომ მსახიობის გარეგნული იერი შემაშფოთებელია, ვარსკვლავის ოფიციალური წარმომადგენელი აცხადებს, რომ მას ჯანმრთელობის მხრივ პრობლემები არა აქვს და კალკინის ასეთი სახეცვლილება შეყვარებულთან დაშორების ბრალია. რვა წლის მანძილზე მაკოლეის რომანი ჰქონდა ჰოლივუდის ვარსკვლავ მილა კუნისთან, რომელსაც შარშან დაშორდა. ისინი მეგობრებად დარჩნენ.