იაპონურმა კომპანია Cosmo Power-მა მათ ქვეყანაში ცოტა ხნის წინ დატრიალებული ტრაგედიის გამო, ისეთ სიახლეზე დაიწყო ფიქრი, რომელიც სტიქიის განმეორების შემთხვევაში ადამიანებს გადარჩენის შანსს მისცემდა.

თანამედროვე ტექნოლოგიების გამოყენებით, კომპანიამ მინიატურული ნოეს კიდობანი შექმნა. ეს უნივერსალური აპარატია და ნებისმიერი ხასიათის სტიქიისას შეიძლება, გამოიყენო. ეს არის პატარა ბურთი, რომელიც არ იძირება წყალში, არ იწვის ცეცხლში და არ ტყდება. მინიკიდობანი სპეციალურად მკვეთრ ფერშია გადაწყვეტილი, მაშველებისათვის ადვილად შესამჩნევი რომ იყოს. მისი დიამეტრი 1,2 მეტრია და ბურთში 4 იაპონელი თავისუფლად თავსდება. კაფსულაში ვენტილაცია ხდება, ასე რომ, იქ რამდენიმე საათის განმავლობაში გაძლება პრობლემას არ წარმოადგენს. ეს ბურთი საკმაოდ მსუბუქია და იმდენად იაფი ღირს, რომ ნებისმიერი იაპონური ოჯახისთვისაა ხელმისაწვდომი. მისი ფასი 4 ათასი აშშ დოლარია.

კომპანიის დირექტორი სიოძი ტაკანა გარანტიას იძლევა, რომ ამ მინიკიდობანის მფლობელს არც ცუნამის უნდა ეშინოდეს და არც __ მიწისძვრის.