დღეს, საღამოს ტელესკოპით ნახავთ მთვარეს, მასთან ახლოს მდებარე იუპიტერს და თუ ძალიან კარგად დააკვირდებით – ვენერასაც. საერთოდ, ბოლო 12 წელია, იუპიტერი საკმაოდ მიუახლოვდა მთვარეს. სამყაროს შეცნობა კოსმოსის გარეშე შეუძლებელია. რაც დრო გადის, მით უფრო იზრდება ადამიანის სურვილი, დააკვირდეს ცას, ვარსკვლავებს; მეტი გაიგოს კოსმოსის შესახებ, ჩაწვდეს მის საიდუმლოს. როგორც აღმოჩნდა, დედამიწას პერიოდულად უახლოვდება ესა თუ ის კომეტა, საკმაოდ ხშირად წყდება ცას ვარსკვლავი და უმცირესი, ჩვენთვის უხილავი კოსმოსური ნაწილაკი ისე გვეცემა მხარზე, რომ ვერც კი ვიგებთ. ასტრონომია საჭირო მეცნიერებაა. მის მიმართ ინტერესი იზრდება, რაც გამოიხატება ტელესკოპში ჩახედვის და ცის კაბადონის უფრო ახლოს გაცნობის მსურველთა რაოდენობის მკვეთრი ზრდით. შეუცნობელი სამყარო გვიწვევს და მუდმივად გვიხსნის რაღაც მთავარს.