43 წლის მომღერალმა კაილი მინოუგმა სამართლიანად შეიძლება დაიტრაბახოს უნაკლო სხეულითა და სახის კანით, რომელზეც ერთი ნაოჭიც კი არ შეიმჩნევა. ვარსკვლავი ირწმუნება, რომ კოსმეტოლოგისთვის არასოდეს მიუმართავს და მისი ახალგაზრდული გარეგნობა მხოლოდდამხოლოდ გენეტიკის დამსახურებაა. მაგრამ ბოლო ხანებში ყველამ შენიშნა, რომ კაილი საგრძნობლად გაახალგაზრდავდა. ასეთი ეფექტის მიღწევა კი უძვირფასესი კრემების გამოყენებითაც კი შეუძლებელია. ჟურნალისტები ეჭვობენ, რომ მინოუგმა ბოტოქსი გაიკეთა, თუმცა, ზომიერების გრძნობამ უღალატა და მისი სახის კანი აშკარად მეტყველებს იმაზე, რომ ვარსკვლავი ცრუობს, როცა აცხადებს, რომ ის ბუნებრიობის მომხრეა.

გუშინ ჯორჯ მაიკლის მიერ ორგანიზებულ წვეულებაზე კაილი მინოუგი მთელი თავისი მშვენიერებით ბრწყინავდა, თუმცა პაპარაცებს არ გამოჰპარვიათ ის გარემოება, რომ როცა ვარსკვლავი იღიმოდა, შუბლსა და თვალების გარშემო უმნიშვნელო ნაოჭიც კი არ გასჩენია, რაც იმაზე მიუთითებს, რომ მომღერალს ბოტოქსი ნამდვილად აქვს გაკეთებული და ამის აღიარების არ უნდა შერცხვეს.