ჩვენი ცხვრებით ისრაელიც დაინტერესდა. მეცხვარეთა ასოციაციის წარმომადგენლების ცნობით, ადრე ცხვარი მხოლოდ სომხეთში, აზერბაიჯანში, დუბაიში, ირანში, იორდანიასა და სირიაში გაჰყავდათ, ახლა კი ამ ქვეყნებს ისრაელიც დაემატა. ჯერ ამ ქვეყანაში 2 200 ცხვარია გაყვანილი, სამომავლოდ კი 30 000-ის გაყვანა იგეგმება. ამ ეტაპზე სომხეთსა და ირანში ცხვრის ექსპორტი შეჩერებულია, რადგანაც მეცხვარეები ახალ ბაზრებზე გადიან და მცირეოდენი შეფერხებები აქვთ. საქართველოდან ცხვარი ძირითადად თუშეთიდან გაჰყავთ, რადგანაც ისინი ნაკლებ ცხიმიანები არიან. ერთი თუშური ცხვრის ფასი საშუალოდ 150 ლარია.