რიყეზე ”ბუდა ბარის“ გახსნა დეკემბრისთვის გადაიდო. ამის შესახებ „ბუდა ბარის“ ლიცენზიის მფლობელი კომპანიის „ენტერ ტას“ ხელმძღვანელმა არჩილ ჩოლოგაძემ რადიო ”კომერსანტს” განუცხადა.

„ამ ეტაპზე სარემონტო სამუშაოები მიმდინარეობს. კეთდება რთული დეკორაციები და ამას დიდი დრო მიაქვს. ამიტომ გადავწყვიტეთ, ბარის გახსნა რაღაც პერიოდით გადაგვედო,“ – ამბობს ჩოლოგაძე.

„ბუდა ბარი“ რიყეზე 1400 კვადრატული მეტრის ტერიტორიაზე განთავსდება და დაახლოებით სამას ადამიანზე იქნება გათვლილი. თავდაპირველი გეგმით, თბილისური „ბუდა ბარი“ ა.წ. გაზაფხულზე უნდა გახსნილიყო. მოგვიანებით კი მისი გახსნა 2011 წლის ნოემბრისთვის გადაიდო.