"თელასის" სამეთვალყურეო საბჭოს გადაწყვეტილებით, კომპანიის გენერალურ დირექტორს, იური პიმონოვს "ინტერ რაო ეეს"-ში კადრების როტაციასთან დაკავშირებით უფლებამოსილება შეუწყდა.
კომპანიის ინფორმაციით, "თელასის" გენერალურ დირექტორად ვადიმ მიტიუშინი დაინიშნა. სამეთვალყურეო საბჭომ იური პიმონოვს მრავალწლიანი შრომისა და კომპანიის განვითარებაში შეტანილი წვლილისთვის მადლობა გადაუხადა.
"თელასის" გენერალური დირექტორის პოსტზე მისი მოღვაწეობისას (2005 წლის ოქტომბრიდან) ჩატარდა მთელი რიგი სამუშაოები ქსელის ინფრასტრუქტურის მოდერნიზების და ახალი ტექნოლოგოების დანერგვის კუთხით, რამაც, საბოლოო ჯამში გააუმჯობესა კომპანიის მუშაობისა და აბონენტთა მომსახურების ხარისხი", - აცხადებენ "თელასში".
იური პიმონოვი მუშაობას კომპანია "ინტერ რაო ეეს"-ში გააგრძელებს. ვადიმ მიტიუშინი 2010 წელს "ინტერ რაო ეეს"–ის კაპიტალური მშენებლობისა და ინჟინერინგის ცენტრის ხელმძღვანელის მოადგილედ დაინიშნა. მანამდე ღია სააქციო საზოგადოება "აღმოსავლეთის ენერგეტიკული კომპანიის" გენერალური დირექტორის მოადგილის თანამდებობა ეკავა. "აღმოსავლეთის ენერგეტიკული კომპანია" "ინტერ რაო ეეს"–ის კომპანიათა ჯგუფში შედის.