მსახიობ ოლეგ ბასილაშვილს ჯანმრთელობის პრობლემები აქვს: მას თრომბოფლებიტი აწუხებს და, შესაძლოა, ფეხები წაერთვას. 2002 წლის მარტში ბასილაშვილი დიდთოვლობის დროს ავარიაში მოჰყვა. ახლა კი ფეხის ტკივილი მსახიობს კვლავ განუახლდა. კიევში ერთ-ერთი ბოლო სპექტაკლზე ბასილაშვილი სცენაზე ტკივილგამაყუჩებლების წყალობით გავიდა. – ვერც კი წარმოიდგენ, რა ცუდად ვარ, - შესჩივლა ბასილაშვილმა თავის მეგობარს და კოლეგას, ალისა ფრეინდლიხს სპექტაკლის წინ. ამის მიუხედავად, მან ჯოხი აიღო, ტკივილი დაძლია და სცენაზე გავიდა. სპექტაკლის დასასრულს, როცა მსახიობი სცენაზე მაყურებლისთვის თავის დასაკრავად გავიდა, ყვავილების მიღებაც ვერ შეძლო. ექიმები ამტკიცებენ, რომ ამ შემთხვევაში, მედიცინა უძლურია. – დაავადება პროგრესირებს და მისი შედეგები გაუთვალისწინებელია, ყველაზე ცუდ შემთხვევაში, ბასილაშვილს, შესაძლოა, ფეხის ამპუტაცია დასჭირდეს, - ამბობენ ექიმები.