ინტერნეტში ლალი მოროშკინასა და თაკო ფხაკაძის ჩხუბის ამსახველი ვიდეო გამოჩნდა. ჩხუბი რომ დაიწყო, ამ დროს ნანუკა ჟორჟოლიანის შოუს ჩაწერა მიმდინარეობდა. გახმაურებული ჩხუბის მერე ლალი მოროშკინას მისვლას ტელეკომპანია "კავკასიაში" "პრაიმტაიმელები" ისევ აპროტესტებენ.

"ფეისბუქში" არხის წარმომადგენელ ნინო ჯანგირაშვილსა და გაზეთის ჟურნალისტ მარიტა დამენიას შორის ცოტა ხნის წინ ასეთი მიმოწერა შედგა:

მარიტა დამენია: - ნინო, მარიტა დამენია გაწუხებს პრაიმტაიმიდან, მართალია სურვილი არ გაქვს, მაგრამ მე მაქვს უფლება მოვითხოვო პასუხი შეკითხვაზე, რატომ მიეცით ადამიანს, რომელმაც დანაშაული ჩაიდინა, პირდაპირი ეთერი და რატომ ქონდა თქვენ მეუღლეს დავით აქუბარდიას ასეთი გახარებული სახე, როდესაც ამ ამბავს უსმენდა და საერთოდ რა შეფასებას აძლევთ ლალი მოროშკინას საქციელს? თუკი თქვენს ეთერში შემოვარდნილი ადამიანები დასაჭერი იყვნენ, რატომ არ იმსახურებდა ლალი მოროშკინა იგივეს?

ნინო ჯანგირაშვილი: - თქვენი რედაქტორი არის სამარცხვინო ქალი. თქვენი გაზეთი არის უბინძურესი გაზეთი. ვერავინ და ვერაფერი ვერ მაიძულებს თქვენს გაზეთს რამე თემაზე კომენტარი მივცე. შეწყვიტეთ ჩემთან რეკვა და წერილების წერა. ნებისმიერ სიტყვაზე, რომელიც თქვენს გაზეთში ჩემი ოჯახის, ჩემი ტელევიზიის და პირადად ჩემს წინააღმდეგ დაიწერება, პასუხს აგებთ სასამართლოში.