რობერტ პატინსონი კრისტენ სტიუარტზე დაქორწინდა. ეს შოკისმომგვრელი განცხადება სტოკჰოლმში გამართულ პრესკონფერენციაზე გაისმა, რომელზეც მსახიობმა „ბინდბუნდის“ ყველაზე ამაღელვებელ ეპიზოდზე - ედუარდისა და ბელას ქორწილზე ისაუბრა.

ამ ინფორმაციას Dailygossip გვაწვდის.

„ტექნიკურად ჩვენ უკვე ცოლ-ქმარი ვართ“, - განაცხადა პატინსონმა. მისი თქმით, ფილმის გმირების ჯვრისწერის სცენის გადასაღებად ნამდვილი მღვდელი მიიწვიეს, რომელმაც ცერემონიალი ყველა წესის დაცვით ჩაატარა. კრისტენ სტიუარტი პრესკონფერენციას არ ესწრებოდა, თუმცა ჟურნალ GQ-სთან ინტერვიუში მან აღნიშნა, რომ ის და პატინსონი რამდენიმე წელია ხვდებიან ერთმანეთს. მსახიობების თაყვანისმცემლები კი მოუთმენლად ელიან არა მხოლოდ ფილმის გმირების ქორწინებას, არამედ მათ სურთ, ეს სასიხარულო მოვლენა მალე სინამდვილეშიც მოხდეს.