ალა პუგაჩოვა მომავალ შვილს ფილიპს დაარქმევს
გიგი გაჩეჩილაძე: "სალომემ ძალიან გამაწვალა"
კიმ კარდაშიანი და კანიე უესტი ქორწინებაზე ალაპარაკდნენ
რასელ ბრენდს კეტი პერისთან გაყრა ყველაზე დიდ შეცდომად მიაჩნია
| ქალი და მამაკაცი |
მარკ ცუკერბერგი დაქორწინდა 
ვენსან კასელის ბრაზილიური არდადეგები და უცნობი გოგონა 
ჯონდი ბაღათურია: "18 წლის გოგო ერთ თვეში გავაბი მახეში!" 
იზაბელი ფონტანა ცოლად ბობ მარლის ვაჟს მიჰყვება 
ანჯელინა ჯოლიმ ბრედ პიტს ვერტმფრენი აჩუქა 
კიმ კარდაშიანის უზარმაზარი საჯდომი ვიწრო შორტებში ძლივს ჩაეკვეხა 
რიზ უიზერსპუნის მამას ორცოლიანობაში ადანაშაულებენ 
რაიან გოსლინგი და ევა მენდესი არ დაშორებულან 
თინა კანდელაკმა ქმარს ცხოვრება ჯოჯოხეთად უქცია 
რომელი აგურებისგან იგება ამქვეყნად ყველაზე დიდებული გრძნობა? არსებობს რამდენიმე მნიშვნელოვანი კრიტერიუმი. ზოგიერთის აზრით, იდეალური წყვილი – ეს არის ურთიერთსაწინააღმდეგო თვისებების მქონენი. ზოგიც ამტკიცებს, რომ პარტნიორები ყველაფერში ერთმანეთის მსგავსნი უნდა იყვნენ. ვინ არის მართალი? არსებობს თუ არა ქალისა და მამაკაცის შეთავსებადობის ფორმულა?
ასაკს მნიშვნელობა აქვს
ასაკში დიდი სხვაობა ხშირად ბევრ პრობლემას წარმოშობს. უნებურად იწვევს იმას, რომ უფრო ასაკოვანი პარტნიორი ურთიერთობებში ლიდერი ხდება. კარგია, თუ მის მეორე ნახევარს დაქვემდებარებული მდგომარეობა აწყობს, მაგრამ დროთა განმავლობაში ყველაზე ხშირად უმცროს პარტნიორს მისი მოკრძალებული როლი აღარ აკმაყოფილებს და კონფლიქტი აღმოცენდება.
კავშირის სიმტკიცეზე გავლენას ახდენს გარშემომყოფების მხრიდან ზემოქმედებაც. ადვილი არ არის მეგობრებთან, მშობლებთან ურთიერთობის აგება. ძნელია, იყო სიდედრი, როდესაც სიძე თანატოლია.
ფსიქოლოგთა აზრით, სასურველია, ასაკში სხვაობა 7 წელს არ აღემატებოდეს. ამავე დროს ბევრი ფიქრობს, რომ უფროსი სწორედ მამაკაცი უნდა იყოს. მისთვის აუცილებელია, თავი ლიდერად იგრძნოს.
კულტურული მემკვიდრეობა
ასაკობრივი სხვაობა დროთა განმავლობაში წაიშლება, მაგრამ განსხვავებული აღზრდა პარტნიორებს მთელი ცხოვრება გაჰყვებათ. მუსიკა, წიგნები, ფილმები, რომლებიც ბავშვობიდან გარს აკრავს, ადამიანის მსოფლმხედველობაზე ძლიერ გავლენას ახდენს. როგორ უნდა შეეწყოს წყვილი, თუ ცოლი ლამაზ სამშვენისებს ინტერიერის მორთულობად თვლის, ქმარი კი – მეშჩანობად?
განსხვავება სარწმუნოებაში, ტრადიციებში შეყვარებულებისთვის ხშირად გადაულახავი დაბრკოლება ხდება. ამ უსიამოვნო სიტუაციიდან გამოსვლას ახერხებს ის, ვინც თანახმაა, საყვარელი ადამიანის ინტერესები და მრწამსი მთლიანად გაიზიაროს და ის წყვილები, რომლებიც მზად არიან, ბავშვობაში მიღებულ გონებრივ ავლა–დიდებაზე უარი თქვან, თავიანთი სამყარო, საკუთარი ღირებულებები და მიზნები იპოვონ.
ხასიათი მთავარია
ხასიათი შეთავსებადობაში ყველაზე რთული მხარეა. აქ მნიშვნელოვან როლს ასრულებს უნარი – მეორე ადამიანი მთელი თავისი ნაკლოვანებებით მიიღოს. თუ წყვილი შეთანხმდება, რა არის მათთვის მიუღებელი და რაზე არიან მზად, თვალები დახუჭონ, მრავალ პრობლემას თავიდან აიცილებენ. შეიძლება გამოვყოთ ხასიათის რამდენიმე თვისება, რომლებიც მყარი ურთიერთობისთვის საფუძველს ქმნიან. ესენია: კომპრომისზე წასვლა; ძლიერად გამოხატული მოტივაცია – საყვარელი ადამიანი ბედნიერი გახდეს; გულუხვობა; იუმორის გრძნობა. სხვათა შორის, ამ თვისებებს, ჩვეულებრივ, ასახელებენ ადამიანები, როდესაც თავიანთი მეორე ნახევრების იდეალურ ხატს აღწერენ.
სექსოლოგთა აზრით, იდეალური წყვილია – 30 წლის ქალი და 25 წლის მამაკაცი. ქალი თავისი მგრძნობელობის პიკზე იმყოფება, ხოლო მამაკაცმა საკმარისი გამოცდილება დააგროვა და მამაკაცური ძალის გაფლანგვა ჯერ კიდევ ვერ მოასწრო.
მაგრამ რა გააკეთონ დანარჩენმა შეყვარებულებმა? გაითვალისწინეთ შემდეგი ფაქტორები: 1) გაარკვიეთ, თქვენი რჩეული "ბუ" არის თუ "ტოროლა", ემთხვევა თუ არა თქვენი ბიორიტმები. 2) ისწავლეთ თქვენი მოთხოვნილებებისა და ემოციების გამოხატვა. 3) ნებისმიერი სხვაობის კომპენსირება ყურადღებით, სიყვარულითა და სინაზით შეიძლება.
მოამზადა აზა გაგოშიძემ ჟურნალი სარკე N 25
|
დღის სიახლეები
|
რა მოსწონთ თქვენ მეგობრებს
|
