კეიტ მოსის ექსსაყვარელს, ყველაზე სკანდალურ როკერსა და ჯგუფ «BABYSHAMBLES»-ის ლიდერ პიტ დოერტის შვილი შეეძინა. ამის შესახებ ჟურნალისტებს მოდელმა ლინდი ჰინგსტონმა განუცხადა, რომელიც ორი წლის წინ მოსისა და დოერტის დაშორების მიზეზი გახდა, თუმცაღა, მოდელი, თავის მხრივ, პიტთან ყოველგვარ ურთიერთობას უარყოფდა. ახლა კი სიტუაცია შეიცვალა და ლინდი აცხადებს,რომ მისი ახალდაბადებული გოგონას მამა სწორედაც რომ პიტ დოერტია. პიტი ამჟამად ციხეში ზის და კოკაინზე დამოკიდებულების გამო სასჯელს იხდის. როგორც ჰინგსტონი ამბობს, როკერი შვილის შეძენის გამო სიხარულით მეცხრე ცაზეა და ერთი სული აქვს, პატარა როდის ნახავს.