15 ნოემბერს მალაიზიაში, კუალა-ლუმპურში ისლამური მოდის ფესტივალი გაიმართა. მასში მონაწილეობა 60-მდე დიზაინერმა მიიღო. მათ შორის იყვნენ დიზაინერები მალაიზიიდან, ინდონეზიიდან, საუდის არაბეთიდან, იაპონიიდან, ავსტრალიიდან, ჩინეთიდან და სინგაპურიდან. ფესტივალზე წარმოდგენილი იყო ქალების, მამაკაცების და საბავშვო კოლექციები. ზოგიერთმა დიზაინერმა ისლამური საცურაო კოსტუმების - ბურკინის ახალი მოდელებიც წარადგინა. ფესტივალის ორგანიზატოები დარწმუნებულები არიან, რომ მალაიზიას ისლამური მოდის მსოფლიო ცენტრად ქცევის დიდი პოტენციალი აქვს. დიზაინერებმა ტრადიციული ისლამური სამოსი სხვადასხვა დეკორატიული ელემენტებით გააფორმეს. მათ შორის ბისერებით, ატლასით და კრისტალებით. ტრადიციული შავი ფერი ამ შემთხვევაში მთლიანად იყო ამოღებული დიზაინერთა პალიტრიდან. ფესტივალი უკვე 5 წელია იმართება.