28 წლის მსახიობი, მილა კუნისი, გლამურულ ჟურნალ „GQ“-ის „წლის ნოკაუტი“ გახდა. იმისათვის, რომ ჰოლივუდში საკუთარი ადგილი დაემკვიდრებინა, მილას დიდი ძალისხმევა დასჭირდა და ჯასტინ ტიმბერლეიკთან ორთაბრძოლაც კი მოუხდა. ვარდისფერ ბიკინისა და შავ თავშალში გამოწყობილი კუნისი ერთდროულად სახიფათოდაც გამოიყურება და მიმზიდველიც არის. მსახიობის ვამპირულ იმიჯს გაწეწილი თმა კიდევ უფრო ამძაფრებს. კინოში კუნისის შემდეგი ნაბიჯი ფილმ Muppets-ში შესრულებული მთავარი როლი იქნება. მასში მილას პარტნიორობას გაუწევენ ჯეისონ სეგელი, ემი ადამსი და რაშიდ ჯონსი. რაც შეეხება ჯასტინ ტიმბერლეიკს, ტიტულის გარეშე არც ის დარჩენილა. იგი „წლის შოუმენი“ გახდა. „მეფის“ საპატიო წოდება ჟურნალმა რეპერ ჯეი-ზის მიაკუთვნა.