მსოფლიოში ცნობილმა ტოპ-მოდელმა, კელვინ კლაინის სახემ ნატალია ვოდიანოვამ გადაწყვიტა, მოსკოვის ერთ-ერთ რესტორანში მეგობრები შეეკრიბა. მათ დახურული წვეულება მოაწყვეს,სადაც გართობა არ მოუკლიათ. მილიარდერი ლორდის მეუღლის, ნატალიას თქმით, მას ყოველთვის უწევს, საკუთარი მოქმედებები აკონტროლოს, ეწვიოს კულტურულ ღონისძიებებს, სადაც თავი სათანადოდ უნდა ეჭიროს. „ხანდახან მინდა, ყველა იარლიყი მოვისროლო და, უბრალოდ, დავისვენო“, - ამბობს ვოდიანოვა. ასეთ დროს მოდელი მეგობრებს ურეკავს და ისინი მოსკოვში იკრიბებიან. ნატალიამ მეგობრებთან და სტუმრებთან ერთად ბოშური მუსიკის ფონზე დილამდე იცეკვა და იმღერა .