ბრიტანელმა ტოპ-მოდელმა კეიტ მოსმა ნამდვილი კოშმარი გადაიტანა. დილით პარიზის სასტუმრო "რიცში" უეცრად მიხვდა, რომ საერთოდ ვერ გრძნობდა თავის მარჯვენა ხელს. შეშინებულმა კეიტმა სასტუმროს ექიმებს მიმართა, ხოლო შემდეგ მეგობრებს უამბო, რომ მას აქვს იდაყვის ნერვის დაზიანება, რაც ხანდახან იწვევს დროებით დამბლას. მოდელი უკვე დაბრუნდა ლონდონში, სადაც სხვა პრობლემები ელოდა ახალ, 7,25 მილიონ ფუნტ სტერლინგად ნაყიდ სახლში გადასვლასთან დაკავშირებით. თუმცა, ნივთების გადატანით გამოწვეული ყველა სირთულის საკუთარ თავზე აღება კეიტის მეუღლეს, ჯეიმი ხინს მოუხდა.

ექიმების აზრით, დიაგნოზი ფატალური არ გახლავთ, მაგრამ ახალმოსახლეობისთვის მიძღვნილი წვეულების გადადება კეიტის სრულ გამოჯანმრთელებამდე მოუწევთ. ამას კი შეიძლება თვეები დასჭირდეს.