სინდი კროუფორდი აცხადებს, რომ მისი ქალიშვილი, 10 წლის კაია, სამოდელო ბიზნესისთვის ჯერ ძალიან პატარაა და ამ სფეროში ის მხოლოდ 17 წლის ასაკში დაიმკვიდრებს თავს. როგორც ვიცით, გოგონა უკვე გახდა სარეკლამო კომპანია Young Versace-ს სახე, მაგრამ სინდი მიიჩნევს, რომ ეს ჯერჯერობით საკმარისია. სხვათა შორის, კაიას მოდელობა კი უნდა, მაგრამ ამ პროფესიას სერიოზულად არ აღიქვამს. გოგონას სურვილია, საბავშვო მედდა გახდეს. მიუხედავად იმისა, რომ პოდიუმის დედოფალს, სინდის, არანაირი სურვილი არა აქვს, თავისი გოგონა მოდელად იხილოს, მან მაინც ვერ დაფარა კმაყოფილება იმის გამო, რომ ვერსაჩეს კოლექციის წარმოსადგენად სწორედ კაია აირჩიეს, რადგან ვერსაჩეს სამოდელო სახლი მისთვის განსაკუთრებულია. შეგახსენებთ, რომ სინდი კროუფორდის მეუღლე ბიზნესმენი რენდი რეგბერია. წყვილს უფროსი ვაჟიც ჰყავს, სახელად პრესლი. ადრე სინდი კროუფორდი ჰოლივუდის ვარსკვლავ რიჩარდ გირის მეუღლე გახლდათ.