ამერიკის შეერთებული შტატების პირველი ლედი, მიშელ ობამა, უკვე მეორე წელია, აქტიურ პროპაგანდას უწევს ჯანმრთელი ცხოვრების წესს. მას საამისოდ სპეციალური პროგრამაც აქვს შემუშავებული, რომელსაც ეწოდება „მოდით, ვიმოძრაოთ“ და მისი მიზანი ქვეყანაში ჯანსაღი ცხოვრების დამკვიდრებაა. ამას წინათ მიშელმა მონაწილეობა მიიღო კომედიურ შოუში NBC. შოუს წამყვანმა ელენ დეჯენერსმა მისთვის დამახასიათებელი ირონიით მოუწოდა ობამას, პირადად დაემტკიცებინა ყველასთვის, რომ, პირველ რიგში, ჯანსაღი ცხოვრებით თავად არის დაკავებული და სთხოვა, ხელებზე აზიდვები გაეკეთებინა. პირველმა ლედიმ გამოწვევა თამამად მიიღო, იატაკზე დაწვა და 25 აზიდვა გააკეთა, შემდეგ კი ელენსაც შესთავაზა, იგივე გაეკეთებინა. წამყვანი შეეცადა, აზიდვები შეესრულებინა, მაგრამ არაფერი გამოუვიდა და პირველობა მიშელს დაუთმო, თან დასძინა, რომ, სხვა თუ არაფერი, უხერხულიც კია, პირველ ლედის პირველობა წაართვა, თუნდაც ეს ფიზკულტურით გამოიხატებოდეს.