ცნობილმა მომღერალმა და სოციალურ ქსელ „მაისპეისის“ ერთ-ერთმა მესაკუთრემ ჯასტინ ტიმბერლეიკმა აღიარა, რომ გეგმავს საკუთარი სატელევიზიო არხის გახსნას, რომელსაც მსოფლიოში ანალოგი არ ექნება. ალბათ, ადვილი მისახვედრია, რომ არხის პროფილი მუსიკალური იქნება. აღსანიშნავია, რომ „მაისპეისი“ 40 მილიონი სიმღერისა და 100 ათასი კლიპის საკუთრების უფლებით სარგებლობს. არხის ეთერი განსხვავებული გადაცემებითა და საინტერესო რეალიტი-შოუებით იქნება წარმოდგენილი. ამას გარდა, ნებისმიერ მაყურებელს ექნება შესაძლებლობა ონლაინ რეჟიმში არხზე გასული გადაცემები განიხილოს. არხის ტრანსლაცია 2012 წლის დასაწყისისთვის იგეგმება.