| ქალი და მამაკაცი |
ევროპის ჩემპიონატი. საკვალიფიკაციო ეტაპი 
ლონდონის "ტოტენჰემის" ხელმძღვანელობამ პირობა დადო, რომ ფორვარდ ემანუელ ადებაიორის მისამართით შეურაცხმყოფელი შეძახილების ავტორებს იპოვის და "უაით ჰართ ლეინზე" შესვლას სამუდამოდ აუკრძალავს. ლონდონურ დერბიში "ტოტენჰემის" გამარჯვებას ჩრდილი "არსენალის" ფანების სიმღერებმა მიაყენა, რომლებიც ტოგოელს "მეთოფეთა" რიგების დატოვებას დღემდე ვერ პატიობენ. "იმ ავტობუსში უნდა მოეკალით", - მღეროდნენ "არსენალის" ქომაგები. ამით მათ ტოგოელს იანვრის ამბავი შეახსენეს, როდესაც ანგოლაში ტოგოს ნაკრების ავტობუსი დაცხრილეს. "ტოტენჰემის" ხელმძღვანელობამ დაადასტურა, რომ ხულიგნები გამოვლინდნენ და სტადიონი მატჩის მიმდინარეობის დროს დაატოვებინეს. აღსანიშნავია, რომ ვალში არც "ტოტენჰემის" ფანები დარჩენილან და მთელი თამაშის მანძილზე "მეთოფეების" თავკაც არსენ ვენგერს მწარე ფრაზებს უმღეროდნენ.
|
დღის სიახლეები
23-05-2012
23-05-2012
|
რა მოსწონთ თქვენ მეგობრებს
|
