კრესოსი, იგივე კრეზუსი, ლიდიის ნახევრად ლეგენდარული მეფე გახლდათ, რომელმაც სიზმარში ნახა, რომ მისი შვილი, ატისი, შუბით დაიღუპებოდა. ამიტომ კრესოსმა ყველა შუბი გადამალა, მაგრამ ბედის განაჩენი მაინც აუსრულდა. მას ფრიგიელი უფლისწული, ადრასტე, ესტუმრა, რომელსაც ძმა შემოკვდომოდა. კრესოსმა ის ცოფისგან განწმინდა და პირად მცველად გააყოლა ატისს, რომელიც პირდაპირ თავისი ქორწილიდან წავიდა ოლიმპოს ტყეებში. იქ ადრასტემ შუბი ტახს ესროლა, მაგრამ შემთხვევით ატისს მოხვდა და სასიკვდილოდ დაჭრა. შინ დაბრუნებულმა ადრასტემ მეფეს სთხოვა, მეც მომკალიო. მაგრამ კრესოსმა შეუნდო, შვილად დაისვა. თუმცა ადრასტე ცოდვამ არ მოასვენა და თავი მოიკლა. კრესოსის სახელი სიმდიდრის სინონიმად იქცა. ისტორიაში შემორჩენილია ფაქტი, თუ როგორ გაუგზავნა კრესოსმა დელფოს ორაკულს 117 აგურზე მდგარი ოქროს ლომი. საბოლოოდ მას კიროსმა სძლია.