 |
| ვერა ქობალია The Vancouver Sun–ის ინფორმაციას უარყოფს |
ვერა ქობალია The Vancouver Sun–ის ინფორმაციას უარყოფს
საქართველოს ეკონომიკისა და მდგრადი განვითარების მინისტრმა ვერა ქობალიამ უარყო კანადური გაზეთის The Vancouver Sun–ის მიერ გამოქვეყნებული სტატია იმის შესახებ, რომ მან საკუთარი ბიოგრაფია გააყალბა.
მინისტრის თქმით, ის კანადურ ტელეკომპანია "Global TV-ში" ნამდვილად მუშაობდა. როგორც ქობალიამ დღეს ჟურნალისტებს განუცხადა, მას კარგად ესმის, რომ რუსეთის ხელისუფლებას და სხვა დაინტერესებულ პირებს უნდათ, საქართველოს ეკონომიკა არ გაძლიერდეს და საქართველო არ გახდეს ძლიერი ქვეყანა, ამიტომ ცდილობენ დეზინფორმაციის და ჭორების გავრცელებით მასაც და სხვა თანამდებობის პირებსაც ხელი შეუშალონ. "თუ ჰგონიათ, რომ ამ გზით რამე გამოუვათ, ძალიან ცდებიან",-აღნიშნა ვერა ქობალიამ.
გარდა ამისა, ვერა ქობალიამ კომენტარი გააკეთა ინტერნეტით გავრცელებულ მის ფოტოსთან დაკავშირებითაც, რომელიც ერთ-ერთ ღამის კლუბშია გადაღებული. ქობალიას განცხადებით, თუკი ვინმეს სურს, რომ ამ ჭორებით მის საქმიანობას ხელი შეუშალონ, არაფერი გამოუვათ. |
