კანადურმა გაზეთმა
The Vancouver Sun საქართველოს ეკონომიკისა და მდგრადი განვითარების მინისტრის, ვერა ქობალიას შესახებ სტატია გამოაქვეყნა.
სტატიას თან ერთვის მინისტრის გახმაურებული ფოტო, სადაც ის თავის დასთან და მეგობრებთან ერთად კლუბში ცეკვავს. სტატიაც სწორედ ამ ფოტოს განხილვით იწყება და აღნიშნულია, რომ რუსული პრესა პრეზიდენტ სააკაშვილს "სტრიპტიზიორის" დანიშვნისთვის აკრიტიკებს.
სტატიაში მოყვანილია გაერთიანებული სამეფოს დამოუკიდებელი გაზეთის ინფორმაცია, რომლის მიხედვითაც სააკაშვილმა "შავგრემან ლამაზმანს" მინისტრის პოსტი მას შემდეგ ჩააბარა, რაც ვანკუვერში ზამთრის ოლიმპიადაზე შეხვდა მას.
სტატიის ავტორი, კატია ჰოლუვეი ქობალიას ბიოგრაფიითაც ინტერესდება.
მისი თქმით, ინფორმაცია, რომელიც
საქართველოს ეკონომიკის სამინისტროს ოფიციალურ ვებ–გვერდზეა განთავსებული, სინამდვილეს არ შეესაბამება. Global TV ადამიანური რესურსების დეპარტამენტის წარმომადგენლის პეტრა მეჰნერის განმარტებით ქობალიას შესახებ მათთან არანაირი ჩანაწერი არ არსებობს. (ეკონომიკის სამინისტროზე განთავსებულ მინისტრის ბიოგრაფიაში კი მითითებულია, რომ ის 2004-2006 წლებში Global TV–ს პროდიუსერად მუშაობდა.) ჰოლუვეი ასევე აღნიშნავს, რომ BCIT–მა სტუდენტთა პირადი ცხოვრებს დაცვის მიზნით მათ არც დაუდასტურა და არც უარყო ინფორმაცია იმის შესახებ, იყო თუ არა ვერა ქობალია მათი სტუდენტი.
